Cadi sica miati’ ngua griegu bizaabi’ xtiidxa’,
miati’ ngola guzá bixhatañee xtale guidxi;
rarí’, ruaa nisadó’ xtinu, ca bandaga ná’ gubidxa ziyati rixele’
rudii guihuinni ti gunaa nandxó’ naaze ti guiiba’ guí
nabani sica gui gusiu zeguyoo. Labe nga
Jñaa ca binni bixooñe’ bisaana xquidxi. Biaani’ gui ná’ be
culuí’ neza guidxilayú sica ñaca cabeza ne guidubi ladxidó’ binni gueeda;
lube nacha’hui’ cayapa ruaa nisadó’ ra didi bitiqui ruquiidi ca guidxi cuachi.
¡Lagapa, guidxi yooxho’ ca’, ca guenda gubeedxe’ za’bi’ bi’nitu!, rinaba’ rídxibe
ne ruaabe ze’gu’: Lagudii naa ca binni ma bidiiñe xtitu, ca binni zí’,
ca binni birí que guidxela pa neza guilá.
Ca binni zí’ bandaahua zuba xque’la’ guriá nisaró’ xtitu.
Laguseenda’ laacabe ra nuaa’, ca ni que gapa ni go, ca ni caguinñe dxiiña’ yuudxu’ rúnitu.
¡Naa rindisa’ guiiba’ biaani’ xtinne’ ruaa nisadó’ guchi goole di’!
